న్యూఢిల్లీ, జూన్ 2: లోక్సభ ఎన్నికల కౌంటింగ్ సమయంలో మార్గదర్శకాలను కచ్చితంగా పాటించేలా చర్యలు తీసుకోవాలని ఎన్నికల సంఘాన్ని ఇండియా కూటమి నేతలు కోరారు. ఆదివారం ఆ కూటమి నేతల బృందం ఈసీని కలిసింది. నిబంధనల ప్రకారం ఈవీఎంలలో ఓట్ల లెక్కింపునకు ముందే పోస్టల్ బ్యాలెట్ ఓట్లు లెక్కించి, వాటి ఫలితాలు ప్రకటించాలని ఈసీని కోరినట్టు కాంగ్రెస్ నేత అభిషేక్ సింఘ్వి తెలిపారు.
ఈవీఎంలు, కంట్రోల్ యూనిట్లను సీసీ కెమెరాల పర్యవేక్షణ ఉన్న మార్గాల్లోనే తరలించాలని, కంట్రోల్ యూనిట్లపై ప్రస్తుత తేదీ, సమయాన్ని కచ్చితంగా పరిశీలించాలని కోరినట్టు సీపీఎం ప్రధాన కార్యదర్శి సీతారాం ఏచూరి చెప్పారు ఏ పోలింగ్ కేంద్రంలో ఎన్ని ఓట్లు పోలయ్యాయయో చెప్పే 17సీ ఫామ్ను కౌంటింగ్ సమయంలో పోల్చి చూసుకోవాలని కూటమి నేతలు తమ ఏజెంట్లకు సూచించారు.