అహ్మదాబాద్: గుజరాత్లో వరుసగా రెండోసారి లోక్సభ ఎంపీగా ఎన్నికైన వారి ఆస్తులకు సంబంధించి అసోసియేషన్ ఫర్ డెమోక్రటిక్ రీఫార్మ్స్(ఏడీఆర్) నివేదికలో ఆసక్తికర విషయాలు వెల్లడించింది. తాజాగా జరిగిన ఎన్నికల్లో 12 మంది రెండోసారి ఎంపీగా ఎన్నికవగా.. వారిలో ఐదుగురి ఆస్తులు 2019 పోలిస్తే 2024 నాటికి 100 శాతానికి పైగా పెరిగాయని పేర్కొన్నది.
గత ఐదేండ్లలో ఈ ఐదుగురి ఎంపీల ఆస్తుల విలువ అత్యధికంగా 273 శాతం పెరగ్గా, అత్యల్పంగా 112% పెరిగిందని ఏడీఆర్ నివేదించింది. భారుచ్ నుంచి ఏడుసార్లు ఎంపీగా ప్రాతినిధ్యం వహించిన మన్షుక్ వాసవ ఆస్తులు 2019తో పోలిస్తే 273 శాతం పెరిగాయి. ఆ తర్వాతి స్థానాల్లో పూనమ్మ(246%), రాజేశ్ ఛుడాసమా(208%), దేవుసిన్హ్ చౌహాన్ (169%), వినోద్ చవ్డా(112%) ఉన్నారు. మొత్తంగా గుజరాత్లో 26 మంది గెలిచిన ఎంపీల్లో 23 మంది మిలియనీర్లు ఉన్నారని తెలిపింది.