న్యూయార్క్: ప్రముఖ సామాజిక మాధ్యమం ఎక్స్లో అత్యధిక ఫాలోవర్లు కలిగిన ప్రపంచ నేతగా రికార్డు సృష్టించిన ప్రధాని మోదీకి (PM Modi) టెస్లా అధినేత, ఎక్స్ అధినేత ఎలాన్ మస్క్ (Elon Musk ) శుభాకాంక్షలు తెలిపారు. అత్యధిక ఫాలోవర్లతో ఉన్న ప్రధాని మోదీకి కంగ్రాట్స్ అంటూ ట్వీట్ చేశారు. ఈ నెల 14న ఎక్స్లో మోదీ ఫాలోవర్ల సంఖ్య 10 కోట్లు దాటిన విషయం తెలిసిందే. ఈ విషయాన్ని ప్రధాని మోదీ స్వయంగా వెల్లడించారు. దీంతో ట్విట్టర్లో అత్యధిక ఫాలోవర్లు కలిగిన జాబితాల్లో అగ్రస్థానంలో నిలిచారు.
గ్లోబల్ సెలబ్రిటీలైన టేలర్ స్విఫ్ట్కు 95.3 మిలియన్ ఫాలోవర్లు ఉండగా లేడీ గాగాకు 83.1 మిలియన్లు, కిమ్ కర్డేషియన్ 75.2 మిలియన్ల మంది ఫాలోవర్లు ఉన్నారు. ఇక రాజకీయ నేతల్లో అమెరికా అధ్యక్షుడు బైడెన్కు 38.1 మిలియన్ల మంది ఫాలోవర్లు ఉండగా దుబాయ్కు చెందిన షేక్ ముహమ్మద్ను 11.2 మిలియన్ల మంది ఫాలోచేస్తున్నారు. అదేవిధంగా పోప్ ఫ్రాన్సిస్కు 18.5 మిలియన్ల మంది, క్రికెటర్ విరాట్ కోహ్లీకి 64.1 మిలియన్లు, బ్రెజిల్ ఫుట్బాల్ స్టార్ నేమార్ జూనియర్ 63.6 మిలియన్లు, బాస్కెట్ బాల్ దిగ్గజం లెబ్రాన్ జేమ్స్కు 52.9 మిలియన మంది ఫాలోవర్లు ఉన్నారు. ఢిల్లీ ముఖ్యమంత్రి కేజ్రీవాల్కు 2.75 కోట్ల మంది, కాంగ్రెస్ నేత రాహుల్ గాంధీకి 2.64 కోట్ల మంది చొప్పున ఫాలోయర్లు ఉన్నారు.
Congratulations PM @NarendraModi on being the most followed world leader!
— Elon Musk (@elonmusk) July 19, 2024