భోపాల్: విద్యార్థి పట్ల టీచర్ దారుణంగా ప్రవర్తించాడు. ఆ విద్యార్థిని బల్లపై పడుకోబెట్టాడు. టీచర్ కాళ్లు పట్టుకోగా మరో ఇద్దరు విద్యార్థులు ఆ బాలుడి చేతులు పట్టుకున్నారు. దీంతో ఆ టీచర్ ప్లాస్టిక్ పైప్తో ఆ విద్యార్థిని కొట్టాడు. (Teacher thrashes Student) ఈ విషయం తెలుసుకున్న విద్యార్థి తల్లిదండ్రులు పోలీసులకు ఫిర్యాదు చేశారు. ఈ నేపథ్యంలో టీచర్తో సహో ఐదుగురిపై కేసు నమోదు చేశారు. మధ్యప్రదేశ్లోని గ్వాలియర్లో ఈ సంఘటన జరిగింది. 13 ఏండ్ల బాలుడు 8వ తరగతి చదువుతున్నాడు. సెప్టెంబర్ 2న స్కూల్ ముగిసిన తర్వాత అతడు ట్యూషన్ సెంటర్కు వెళ్లాడు.
కాగా, ట్యూషన్ టీచర్ ఇచ్చిన లెక్కల హోంవర్క్ ఆ బాలుడు చేయలేదు. ఈ నేపథ్యంలో టీచర్ అభిషేక్ ఆ విద్యార్థిని బల్లపై పడుకోబెట్టాడు. టీచర్ ఆ బాలుడి కాళ్లు పట్టుకున్నాడు. మరో ఇద్దరు విద్యార్థులతో చేతులు పట్టుకోమని చెప్పాడు. దీంతో వారు అతడి చేతులు పట్టుకున్నారు. అనంతరం టీచర్ ఆ విద్యార్థిని ప్లాస్టిక్ పైప్తో దారుణంగా కొట్టాడు. ఈ విషయాన్ని ఎవరికైనా చెబితే చంపుతానని బెదిరించాడు.
మరోవైపు ఆ బాలుడు ఈ విషయాన్ని తన తల్లిదండ్రులకు చెప్పాడు. దీంతో వారు పోలీసులకు ఫిర్యాదు చేశారు. ఈ నేపథ్యంలో ట్యూషన్ సెంటర్ డైరెక్టర్ చంద్రకాంత్ మిశ్రా, కో డైరెక్టర్ ప్రేమ్ శర్మ, ట్యూషన్ టీచర్ అభిషేక్, అతడికి సహకరించిన విద్యార్థులు రాహుల్ గుర్జార్, సంకేత్ భారతిపై దాడి, జువైనల్ జస్టిస్ యాక్ట్ ఉల్లంఘన కింద కేసు నమోదు చేశారు. ఈ సంఘటనపై పోలీసులు దర్యాప్తు చేస్తున్నారు.