న్యూఢిల్లీ, జనవరి 21: ప్రముఖ ప్రయాణికుల, వాణిజ్య వాహనాల తయారీ సంస్థ టాటామోటార్స్ తన ప్రయాణికుల వాహనాల ధరలను పెంచుతున్నట్టు ఆదివారం ప్రకటించింది. ఎలక్ట్రానిక్స్ వెహికల్స్ (ఈవీ) సహా అన్ని శ్రేణుల ప్రయాణికుల వాహనాల ధరలను సగటున 0.7 శాతం పెంచుతున్నట్టు తెలిపింది. ఈ పెరిగిన ధరలు ఈ ఏడాది ఫిబ్రవరి 1 నుంచి అమలులోకి వస్తాయని పేర్కొంది. ఉత్పాదక వ్యయం పెరగడంతో ధరలను పెంచక తప్పలేదని, పంచ్, నెక్సాన్, హారియర్ సహా అన్ని ప్రయాణికుల వాహనాలకు ఈ ధరల పెరుగుదల వర్తిస్తుందని టాటామోటార్స్ ఆ ప్రకటనలో వెల్లడించింది.