చెన్నై: సీఆర్పీఎఫ్ రిక్రూట్మెంట్ పరీక్షను తమిళం సహా ప్రాంతీయ భాషల్లో నిర్వహించకపోవడంపై తమిళనాడు సీఎం స్టాలిన్ నిరసన వ్యక్తం చేశారు. ఈ పరీక్షను కేవలం ఇంగ్లిష్, హిందీ భాషల్లో నిర్వహించడం ఏకపక్షంగా ఉందని, ఇది వివక్ష చూపినట్టేనని కేంద్ర హోం శాఖ మంత్రి అమిత్ షాకు రాసిన లేఖలో స్పష్టం చేశారు.
వంద మార్కుల పరీక్షలో 25 మార్కులు ప్రాథమిక హిందీ పరిజ్ఞానానికి కేటాయించడం హిందీ మాట్లాడే అభ్యర్థులకే ప్రయోజనం కలిగిస్తుందన్నారు. ఈ నోటిఫికేషన్ అభ్యర్థుల రాజ్యాంగబద్ధమైన హక్కుకు వ్యతిరేకమని తెలిపారు. అభ్యర్థులు ప్రాంతీయ భాషల్లో పరీక్ష రాసేందుకు అనుమతించాలని కోరారు.