Loksabha Elections 2024 : లోక్సభ ఎన్నికల్లో మహారాష్ట్రలోని బారామతి నియోజకవర్గం నుంచి విజయం సాధించిన ఎన్సీపీ-ఎస్సీపీ నేత సుప్రియా సూలే నియోజకవర్గ ప్రజలకు ధన్యవాదాలు తెలిపారు.
ఓటర్లు ఐటీ, సీబీఐ, ఈడీలను తిరస్కరించారని చెబుతూ మోదీ సర్కార్ నిరంకుశ విధానాలపై ఆమె విరుచుకుపడ్డారు. రైతుల సమస్యలు, నీటి సంక్షోభం, నిరుద్యోగం, అవినీతి వంటి సమస్యలపై తాము ఈ ఎన్నికల్లో పోరాడామని, ఓటర్లు తమ పక్షాన నిలిచి గెలిపించారని చెప్పారు.
తన విజయానికి కృషిచేసిన ఓటర్లు, పార్టీ కార్యకర్తలకు సుప్రియా సూలే ధన్యవాదాలు తెలిపారు. ఇక శుక్రవారం నుంచి తాము రాష్ట్రంలోని కరువు ప్రభావిత ప్రాంతాల్లో పర్యటిస్తామని ఆమె వెల్లడించారు.
Read More :
Rajasthan | కోటాలో మరో విద్యార్థి ఆత్మహత్య.. ఏడాదిలో 11వ ఘటన