Supreme Court | అసాధారణ పరిస్థితుల్లో మాత్రమే కోర్టులు బెయిల్ ఉత్తర్వులపై స్టే విధించాలని సర్వోన్నత న్యాయస్థానం మంగళవారం ఆదేశించింది. ఢిల్లీ హైకోర్టు ఆదేశాలను తోసిపుచ్చుతూ జస్టిస్ అభయ్ ఎస్ ఓకా, జస్టిస్ అగస్టిన్ జార్జ్ మసీహ్ నేతృత్వంలోని ద్విసభ్య ధర్మాసనం ఆదేశాలు ఇచ్చింది. మనీలాండరింగ్ కేసులో నిందితుడికి బెయిల్ మంజూరు చేసేందుకు ఢిల్లీ హైకోర్టు నిరాకరించింది. బెయిల్పై స్టే విధించే హక్కు కోర్టుకు ఉన్నప్పటికీ, ఇది అసాధారణ పరిస్థితుల్లో మాత్రమే చేయాలంటూ స్పష్టం చేసింది.
కోర్టులు యాంత్రికంగా, ఎలాంటి కారణం చూపకుండా బెయిల్ ఉత్తర్వులపై స్టే ఇవ్వకుండా ఉండాలని గతంలో సుప్రీంకోర్టు ఆదేశించిన విషయం తెలిసిందే. మనీలాండరింగ్ కేసులో పర్వీందర్ సింగ్ ఖురానా పిటిషన్పై కోర్టు ఇలా స్పందించింది. సబార్డినేట్ కోర్టు ఇచ్చిన బెయిల్ ఆర్డర్ను తాత్కాలికంగా నిలిపివేస్తూ ఢిల్లీ హైకోర్టు తీసుకున్న నిర్ణయాన్ని సుప్రీంకోర్టులో సవాల్ చేశారు. మనీలాండరింగ్ నిరోధక (సవరణ) చట్టం కింద నమోదైన కేసులో ఖురానాకు సబార్డినేట్ కోర్టు గత ఏడాది జూన్ 17న బెయిల్ మంజూరు చేసింది. అయితే, ఢిల్లీ హైకోర్టు ఉత్తర్వులపై స్టే విధించింది.