Arvind Kejriwal : ఢిల్లీ ఎక్సైజ్ పాలసీ కేసులో ట్రయల్ కోర్టు తనకు మంజూరు చేసిన బెయిల్పై ఢిల్లీ హైకోర్టు స్టే విధించడాన్ని సవాలు చేస్తూ ఢిల్లీ ముఖ్యమంత్రి అరవింద్ కేజ్రీవాల్ దాఖలు చేసిన పిటిషన్పై సుప్రీంకోర్టు జూన్ 26న విచారణను చేపట్టనున్నట్టు వెల్లడించింది. హైకోర్టు ఆర్డర్ ఇచ్చే వరకూ వేచిచూడాలని సర్వోన్నత న్యాయస్ధానం స్పష్టం చేయడంతో కేజ్రీవాల్కు నిరాశ ఎదురైంది.
బెయిల్పై స్టే మంజూరు చేస్తూ హైకోర్టు ఇచ్చిన ఆదేశాలను కేజ్రీవాల్ తరఫున సీనియర్ న్యాయవాది అభిషేక్ మను సింఘ్వీ ప్రశ్నించారు. విచారణ తొలి రోజే బెయిల్ ఉత్తర్వులపై హైకోర్టు స్టే ఇవ్వాల్సిన అవసరం ఏముందని ఆయన సర్వోన్నత న్యాయస్ధానాన్ని ప్రశ్నించారు.
హైకోర్టు తన ఉత్తర్వులు వెలువరించేంత వరకూ సీఎం ఎందుకు స్వేచ్ఛగా ఉండరాదని అన్నారు. సీఎంకు అనుకూలంగా బెయిల్ ఉత్తర్వులు ఉన్నాయని, ఆయన విదేశాలకు పారిపోయే ప్రమాదం కూడా లేదని వివరించారు.
Read More :
Maoists | ఛత్తీస్గఢ్ అడవుల్లో నకిలీ నోట్ల ముద్రిస్తున్న నక్సల్స్..!