లక్నో: హిట్ అండ్ రన్ కేసులు ఇటీవల పెరిగిపోతున్నాయి. రోడ్డు దాటుతున్న ఒక విద్యార్థిని కారు ఢీకొట్టింది. (Student Rammed By Car) అయితే అదృష్టవశాత్తూ అతడు క్షేమంగా బయటపడ్డాడు. ఈ వీడియో క్లిప్ సోషల్ మీడియాలో వైరల్ అయ్యింది. దేశ రాజధాని ఢిల్లీ శివారు ప్రాంతమైన ఉత్తరప్రదేశ్లోని నోయిడాలో ఈ సంఘటన జరిగింది. ఈ నెల 23న కాలేజీ విద్యార్థి రోడ్డు దాటుతున్నాడు. అతడ్ని తప్పించుకుని ఒక కారు వెళ్లింది. అయితే వేగంగా వచ్చిన హ్యుందాయ్ క్రెటా కారు టర్న్ తీసుకుని మరీ ఆ విద్యార్థిని ఢీకొట్టింది. ఆ తర్వాత ఆగకుండా అక్కడి నుంచి వెళ్లిపోయింది. ఇది చూసి అక్కడున్న వారు షాక్ అయ్యారు.
కాగా, కారు ఢీకొట్టడంతో ఆ విద్యార్థి రోడ్డుపై పడ్డాడు. అయితే అతడికి ఎలాంటి గాయాలు కాలేదు. దీంతో పైకి లేచి అక్కడి నుంచి వెళ్లిపోయాడు. మరోవైపు ఆ ప్రాంతంలోని సీసీటీవీలో రికార్డైన ఈ వీడియో క్లిప్ సోషల్ మీడియాలో వైరల్ అయ్యింది. దీంతో పోలీసుల దృష్టికి వెళ్లడంతో ఈ సంఘటనపై దర్యాప్తు చేస్తున్నారు.
📽️ Watch | On CCTV, Student Crossing Road Rammed By Creta In Noida https://t.co/u04aL4EU6o pic.twitter.com/8RDJEVRFm6
— NDTV (@ndtv) May 27, 2024