Vande Bharat Train | దేశంలో సెమీ హైస్పీడ్ రైలు వందేభారత్ ఎక్స్ప్రెస్ (Vande Bharat Express Train)పై వరుస దాడులు కొనసాగుతున్నాయి. ఈ రైలుపై ఇప్పటికే చాలాసార్లు దాడులు జరిగిన విషయం తెలిసిందే. కొందరు ఆకతాయిలు రైలుపై రాళ్లదాడికి పాల్పడుతున్నారు. తాజాగా వందేభారత్పై మరోసారి రాళ్లదాడి జరిగింది.
ఉత్తరప్రదేశ్ (Uttar Pradesh) లోని బారాబంకి (Barabanki)లో వందే భారత్ రైలుపై గుర్తు తెలియని వ్యక్తులు రాళ్లు రువ్వారు (Stones thrown). గోరఖ్ పూర్ నుంచి లఖ్ నవూకు వెళ్తున్న రైలుపై బారబంకిలోని సఫేదాబాద్ రైల్వే స్టేషన్ సమీపంలో కొందరు ఆకతాయిలు రాళ్లు విసిరారు. ఈ దాడిలో ఓ కోచ్ కిటికీ అద్దం పగిలింది. ఘటనపై రైల్వే రక్షణ దళం (Railway Protection Force) కంట్రోల్ రూమ్ కు సమాచారం అందించింది. దీంతో బారాబంకి రైల్వే పోలీసులు ఘటనా స్థలికి చేరుకొని విచారణ చేపట్టారు.
కాగా, గత నెల 27వ తేదీన కూడా వందే భారత్ రైలుపై రాళ్ల దాడి జరిగింది. ఆగ్రా రైల్వే డివిజన్ (Agra Railway Division)లోని భోపాల్ (Bhopal) నుంచి ఢిల్లీలోని నిజాముద్దీన్ స్టేషన్ (Nizamuddin station) వరకు నడుస్తున్న వందేభారత్ రైలుపై కొందరు ఆకతాయిలు రాళ్లు రువ్వారు. ఈ దాడిలో C-7 కోచ్లోని సీట్ నంబర్ 13-14 కిటికీ అద్దాలు ధ్వంసమయ్యాయి. ఘటనపై రైల్వే బృందం విచారణ చేపట్టింది.
Also Read..
Samantha | గాయని చిన్మయి పిల్లలతో సమంత ఆటలు
Ayodhya Ram Temple | అయోధ్య ఆలయం కోసం ప్రపంచంలోనే అతిపెద్ద తాళం తయారు చేసిన భక్తుడు
Rahul Gandhi | ఎంపీగా తిరిగి పార్లమెంట్ లో అడుగుపెట్టనున్న రాహుల్.. అనర్హతను ఎత్తివేసిన దిగువ సభ