న్యూఢిల్లీ, మే 15: ఢిల్లీ ముఖ్యమంత్రి అరవింద్ కేజ్రీవాల్కు మధ్యంతర బెయిల్ మంజూరు కావడం పట్ల కేంద్రమంత్రి అమిత్ షా కీలక వ్యాఖ్యలు చేశారు. సుప్రీంకోర్టు నిర్ణయాన్ని తాను సాధారణంగా ఇచ్చిన తీర్పుగా చూడటం లేదని, దేశంలోని చాలామంది కేజ్రీవాల్కు ‘స్పెషల్ ట్రీట్మెంట్’ ఇచ్చినట్టుగా నమ్ముతున్నారని ఆయన పేర్కొన్నారు. బుధవారం ఏఎన్ఐ ఇంటర్వ్యూలో ఆయన ఈ వ్యాఖ్యలు చేశారు. తనకు ఓట్లు వేస్తే మళ్లీ జైలుకు వెళ్లాల్సిన అవసరం ఉండదని కేజ్రీవాల్ చేసిన వ్యాఖ్యలు స్పష్టంగా కోర్టు ధిక్కారమని అన్నారు. అంటే, ఎవరైనా ఎన్నికల్లో గెలిస్తే తప్పు చేసినట్టు నిరూపితమైనా సుప్రీంకోర్టు జైలుకు పంపించదని ఆయన చెప్పడానికి ప్రయత్నిస్తున్నారని పేర్కొన్నారు. కోర్టు తీర్పును కేజ్రీవాల్ ఎలా దుర్వినియోగం చేస్తున్నారనేది ఆయనకు బెయిల్ ఇచ్చిన న్యాయమూర్తులు ఆలోచించుకోవాలని అన్నారు.