రాంచీ: జార్ఖండ్ శాసనసభ సభాపతి ట్రైబ్యునల్ ఎమ్మెల్యేలు లోబిన్ హెమ్బ్రోమ్ (జేఎంఎం), జై ప్రకాశ్ భాయ్ పటేల్ (కాంగ్రెస్)ను శాసన సభ్యత్వానికి అనర్హులుగా ప్రకటించింది. ఫిరాయింపుల నిరోధక చట్టం ప్రకారం చెప్పిన ఈ తీర్పు ఈ నెల 26 నుంచి అమల్లోకి వస్తుందని వివరించింది. హెమ్బ్రోమ్పై జేఎంఎం, పటేల్పై బీజేపీ ఫిర్యాదులపై ఈ నిర్ణయం వెలువడింది. వర్షాకాల సమావేశాలు శుక్రవారం ప్రారంభమవుతున్న తరుణంలో వీరిపై వేటు పడింది.
ఆప్కు కొత్త ఆఫీస్ కేటాయింపు
న్యూఢిల్లీ, జూలై 25: ఢిల్లీ హైకోర్టు ఆదేశాల మేరకు ఆప్కి ఢిల్లీలోని లుటియెన్స్ ప్రాంతంలో కొత్త కార్యాలయాన్ని కేటాయించినట్టు ఆ పార్టీ వర్గాలు గురువారం వెల్లడించాయి. పండిట్ రవిశంకర్ శుక్లా మార్గంలోని బంగ్లా 1లో ఆప్ కొత్త ఆఫీస్ కొలువు దీరనుంది. గతంలో రౌస్ అవెన్యూలో ఆప్ కార్యాలయం ఉండేది. ఆప్కు వచ్చిన జాతీయ పార్టీ హోదాను గుర్తిస్తూ ఆ పార్టీకి ఆఫీస్ స్థలం కేటాయించడంపై గురువారంలోగా నిర్ణయం తీసుకోవాలని ఢిల్లీ హైకోర్టు కేంద్రాన్ని ఆదేశించింది.