న్యూఢిల్లీ, జూన్ 8: కాంగ్రెస్ పార్లమెంటరీ పార్టీ(సీపీపీ) నేతగా సోనియా గాంధీ తిరిగి ఎన్నికయ్యారు. ఈ మేరకు పార్లమెంట్ సెంట్రల్ హాల్లో శనివారం జరిగిన కాంగ్రెస్ పార్టీ ఎంపీల సమావేశంలో ఈ నిర్ణయం తీసుకున్నారు.
సోనియా పేరును కాంగ్రెస్ పార్టీ జాతీయ అధ్యక్షుడు మల్లికార్జున ఖర్గే ప్రతిపాదించగా.. నేతలు గౌరవ్ గొగోయ్, తారిక్ అన్వర్ బలపరిచారు. ఈ తీర్మానాన్ని ఎంపీలంతా ఏకగ్రీవంగా ఆమోదించారు. సోనియా గాంధీ ప్రస్తుతం రాజ్యసభ ఎంపీగా ఉన్న విషయం తెలిసిందే.