రాయ్పూర్: రాజకీయాల నుంచి తప్పుకొంటున్నట్టు కాంగ్రెస్ మాజీ జాతీయ అధ్యక్షురాలు సోనియాగాంధీ హింట్ ఇచ్చారా? అంటే ఆమె వ్యాఖ్యలు అదే అర్థాన్నిస్తున్నాయి. రాయ్పూర్లో జరుగుతున్న ఏఐసీసీ ప్లీనరీలో శనివారం ఆమె మాట్లాడుతూ ‘1998లో నాకు పార్టీ అధ్యక్ష బాధ్యతలు చేపట్టే అవకాశం లభించింది. ఈ సుదీర్ఘ ప్రయాణంలో పార్టీలోని ప్రతి ఒక్కరు నాకు ఎంతో శక్తిని ఇచ్చారు. నా ప్రస్థానాన్ని భారత్ జోడో యాత్రతో ముగిస్తున్నందుకు ఆనందంగా ఉన్నది’ అని పేర్కొన్నారు. దీనిపై కాంగ్రెస్లో కలకలం రేగింది.