కాన్పూర్, డిసెంబర్ 23: ఉత్తరప్రదేశ్లో ఏకంగా బ్యాంకు స్ట్రాంగ్ రూమ్కే సొరంగం తవ్విన కొందరు దోపిడీ దొంగలు కోటి రూపాయల విలువైన బంగారాన్ని దోపిడీ చేశారు. లక్నోలోని స్టేట్ బ్యాంక్ ఆఫ్ ఇండియా భానుతి బ్రాంచిలో శుక్రవారం ఈ చోరీ వెలుగులోకి వచ్చింది.
బ్యాంకు పక్కనే ఖాళీగా ఉన్న స్థలం నుంచి నాలుగు అడుగుల వెడల్పుతో 10 అడుగుల పొడవైన సొరంగాన్ని నేరుగా బ్యాంకు స్ట్రాంగ్రూమ్లోకి చేరేలా తవ్విన దొంగలు ఛెస్ట్ పగలగొట్టి కోటి రూపాయల విలువైన 1.8 కేజీల బంగారాన్ని అపహరించారు. పక్కనే ఉన్న నగదు ఛెస్ట్ను పగులగొట్టడానికి వారు విఫలయత్నం చేశారు. అందులో 32 లక్షల నగదు ఉన్నట్టు బ్యాంకు అధికారులు అనంతరం తెలిపారు. ఖాళీ స్థలం నుంచి తవ్విన సొరంగం కన్పించకుండా దొంగలు వాటిపై మొక్కలు, పొదలను కప్పి ఉంచారన్నారు.