శ్రీనగర్: జమ్ముకశ్మీరులోని కుప్వారాలో జరిగిన ఎన్కౌంటర్లో ఓ సైనికుడు అమరుడు కాగా, ఓ ఉగ్రవాది హతమయ్యాడు. సైన్యం తెలిపిన వివరాల ప్రకారం, ఉగ్రవాదుల కదలికలపై అందిన సమాచారం మేరకు కొద్ది రోజుల నుంచి లోలాబ్ ప్రాంతంలో సైన్యం, పోలీసులు ఉగ్రవాద నిరోధక కార్యకలాపాలను నిర్వహిస్తున్నారు. దాక్కున్న ఉగ్రవాదులను భద్రతా దళాలు మంగళవారం గుర్తించగలిగాయి. మంగళ-బుధవారాల మధ్య రాత్రి ఉగ్రవాదులు కాల్పులు జరిపారు. అప్రమత్తమైన భద్రతా దళాలు ప్రతిస్పందించాయి. కాల్పుల్లో ఓ ఉగ్రవాది మరణించగా, సైనికుడు గాయపడ్డారు. ఆ తర్వాత ఆయన ప్రాణాలు కోల్పోయారు.