Jharkhand : జార్ఖండ్ అసెంబ్లీ ఎన్నికల్లో బీజేపీ విజయం సాధించి ప్రభుత్వం ఏర్పాటు చేస్తుందని కేంద్ర మంత్రి, జార్ఖండ్ అసెంబ్లీ ఎన్నికల బీజేపీ ఇన్చార్జ్ శివరాజ్ సింగ్ చౌహాన్ ఆశాభావం వ్యక్తం చేశారు. జార్ఖండ్లో అవినీతి, దుష్పరిపాలన నుంచి ప్రజలు విముక్తి కోరుకుంటున్నారని అన్నారు.
రానున్న అసెంబ్లీ ఎన్నికల్లో పార్టీ సీనియర్ నేత బాబూలాల్ మరాండీ నాయకత్వంలో పార్టీ శ్రేణులు ముందుకు సాగుతున్నాయని చెప్పారు. జార్ఖండ్ అసెంబ్లీ ఎన్నికల్లో తమ పార్టీకి అత్యధిక సీట్లు, ఓట్ల శాతం దక్కుతాయని ధీమా వ్యక్తం చేశారు. దేశంలో జార్ఖండ్ ప్రభుత్వం అత్యంత అవినీతి ప్రభుత్వమని ఆరోపించారు. జేఎంఎం ప్రభుత్వం తన హామీలను నెరవేర్చలేదని అన్నారు.
యువతకు నిరుద్యోగ భృతి అందించడంలో విఫలమైందని, ఉపాధి అవకాశాలు అందుబాటులో లేవని దుయ్యబట్టారు. గతంలో ఎన్నడూ లేని అవినీతి, విశృంకల దోపిడీ సాగుతున్నదని ఆరోపించారు. జేఎంఎం సర్కార్ రాష్ట్రంలో ఇసుక, బొగ్గు, ఖనిజాలను దోచుకుందని విమర్శించారు.
Read More :
Kalki 2898 AD | శ్రీకృష్ణుని జన్మస్థలంలో ప్రభాస్ ‘కల్కి’ థీమ్ సాంగ్ ఈవెంట్