Shivraj Singh Chouhan : జార్ఖండ్ను విధ్వంసం నుంచి కాపాడి, ప్రజల సహకారంతో కాషాయ సర్కార్ను ఏర్పాటు చేసేందుకు బీజేపీ కట్టుబడి ఉందని కేంద్ర మంత్రి శివరాజ్ సింగ్ చౌహాన్ పేర్కొన్నారు. జార్ఖండ్లో విధ్వంస పాలనకు చరమగీతం పాడి మార్పును స్వాగతించేందుకు రాష్ట్ర ప్రజలు సంసిద్ధంగా ఉన్నారని అన్నారు.
రాష్ట్రంలో పార్టీ శ్రేణుల ఉత్సాహం చూస్తుంటే రానున్న అసెంబ్లీ ఎన్నికల్లో పార్టీ విజయం సాధించడం ఖాయమని తేలిపోయిందని చెప్పారు. జార్ఖండ్ను సంకీర్ణ సర్కార్ లూటీ చేసిందని, ప్రజలు జేఎంఎం సర్కార్ పట్ల ఆగ్రహంతో ఉన్నారని అన్నారు. యువతకు ఉద్యోగాలిస్తామని హామీ ఇస్తూ గద్దెనెక్కిన సర్కార్ తన హామీని విస్మరించిందని చెప్పారు.
నెలకు రూ. 5,000 నుంచి రూ. 7000 వరకూ నిరుద్యోగ భృతి ఇస్తామని హామీ ఇచ్చారని, నిరుద్యోగ యువతకు ఈ మొత్తం అందుతున్నదా అని ప్రశ్నించారు. ఆడపడుచులకు ప్రతినెలా రూ. 2000 ఇస్తామన్నారని, ఏ ఒక్కరికైనా రూ. 2000 ఇస్తున్నారా అని ఆయన నిలదీశారు. తాము అధికారంలోకి వస్తే జార్ఖండ్ ప్రయోజనాలు కాపాడతామని పేర్కొన్నారు.
Read More :