Shehbaz Sharif : భారతదేశ ప్రధానిగా మూడోసారి ప్రమాణస్వీకారం చేసిన నరేంద్రమోదీకి పాకిస్థాన్ ప్రధాని షెహబాజ్ షరీఫ్ అభినందనలు తెలియజేశారు. ‘భారతదేశ ప్రధానిగా ప్రమాణస్వీకారం చేసిన నరేంద్రమోదీకి అభినందనలు’ అని షెహబాజ్ అధికారిక ఎక్స్ ఖాతాలో పేర్కొన్నారు.
Felicitations to @narendramodi on taking oath as the Prime Minister of India.
— Shehbaz Sharif (@CMShehbaz) June 10, 2024
ప్రధాని మోదీ తన ప్రమాణస్వీకార కార్యక్రమానికి ఏడు దేశాల ప్రధానులకు ఆహ్వానం పంపారు. కానీ పాకిస్థాన్ ప్రధానిని మాత్రం ఆహ్వానించలేదు. అయితే గత ఫిబ్రవరిలో పాకిస్థాన్ ప్రధానిగా ప్రమాణస్వీకారం చేసిన షెహబాజ్ షరీఫ్కు ప్రధాని నరంద్రమోదీ అభినందనలు తెలిపారు.
అందుకు పాక్ ప్రధాని షెహబాజ్ షరీఫ్ రిప్లయ్ కూడా ఇచ్చారు. తనకు అభినందనలు తెలియజేసిన భారత ప్రధాని నరేంద్రమోదీకి కృతజ్ఞతలు అని పేర్కొన్నారు. షెహబాజ్ షరీఫ్ గత ఫిబ్రవరిలో పాకిస్థాన్ 24వ ప్రధానిగా ప్రమాణస్వీకారం చేశారు.