Shatrughan Sinha : కేంద్ర బడ్జెట్పై టీఎంసీ ఎంపీ శత్రుఘ్న సిన్హా తీవ్రస్ధాయిలో విమర్శలు గుప్పించారు. కేంద్ర బడ్జెట్లో ఎన్డీయే భాగస్వామ్య పక్షాలను సంతృప్తి పరిచేందుకు పలు నిర్ణయాలు తీసుకున్నారని, తెలంగాణ, పంజాబ్, హరియాణ, మహారాష్ట్ర, పశ్చిమ బెంగాల్ వంటి పలు రాష్ట్రాలను విస్మరించారని మండిపడ్డారు. బెంగాల్కు ఒక్క రూపాయి కూడా కేటాయించలేదని, ఇది కేవలం కుర్చీని కాపాడుకునే బడ్జెట్ మాత్రమేనని దుయ్యబట్టారు.
అగ్నివీర్ పధకంపై ప్రధాని మోదీ ప్రకటనను ప్రస్తావిస్తూ ఇది యువతకు వారి కుటుంబాలకు ఎలాంటి మేలు చేసే పధకం కాదని విమర్శించారు. ఇక దేశంలో అత్యంత ప్రముఖ నేతల్లో మమతా బెనర్జీ ఒకరని అనడంలో ఎలాంటి సందేహం లేదని శత్రుఘ్న సిన్హా పేర్కొన్నారు. నీతి ఆయోగ్ సమావేశంలో మమతా బెనర్జీ తన గళాన్ని గట్టిగా వినిపిస్తారని చెప్పారు.
ఎన్డీయే సర్కార్లో ఎన్నో అరాచకలు జరుగుతున్నాయని ఆవేదన వ్యక్తం చేశారు. మరోవైపు శనివారం జరిగే నీతి ఆయోగ్ సమావేశంలో పాల్గొనేందుకు బెంగాల్ సీఎం మమతా బెనర్జీ ఢిల్లీకి చేరుకున్నారు. బడ్జెట్లో తీవ్ర అన్యాయం జరిగిందని ఆరోపిస్తూ పలు విపక్ష పాలిత రాష్ట్రాల సీఎంలు నీతి ఆయోగ్ సమావేశాన్ని బహిష్కరించాలని నిర్ణయించారు.
Read More :