Loksabha Elections 2024 : ఎగ్జిట్ పోల్స్ అంచనాలను కాంగ్రెస్ ఎంపీ శశి థరూర్ తప్పుపట్టారు. తిరువనంతపురంలోనే కాదు దేశవ్యాప్తంగా మీరు చూసిన ఎగ్జిట్ పోల్స్ గణాంకాలు రేపు తప్పని వెల్లడవుతాయనే పూర్తి విశ్వాసం తనకుందని ఆయన పేర్కొన్నారు.
విపక్ష ఇండియా కూటమి విజయావకాశాలు మెరుగ్గా ఉన్నాయని ఆశాభావం వ్యక్తం చేశారు. శశి థరూర్ సోమవారం తిరువనంతపురంలో విలేకరులతో మాట్లాడారు. మరోవైపు ఎగ్జిట్ పోల్స్ అంచనాలపై కాంగ్రెస్ పార్లమెంటరీ పార్టీ చైర్పర్సన్ సోనియా గాంధీ (Sonia Gandhi) తాజాగా స్పందించారు. ఎగ్జిట్ పోల్స్ అంచనాలు ఎన్నికల ఫలితాలకు పూర్తి విరుద్ధంగా (completely opposite) ఉంటాయని అన్నారు.
ఎన్నికల ఫలితాలపై ప్రతిపక్ష ఇండియా కూటమి ఆశాభావంతో ఉందన్నారు. ఎగ్జిట్ పోల్స్ అంచనాలకు ఎన్నికల ఫలితాలు పూర్తి విరుద్ధంగా ఉంటాయని ధీమా వ్యక్తం చేశారు. జూన్ 4న ఎగ్జిట్ పోల్స్ అంచనాలు తారుమారవుతాయని భావిస్తున్నట్లు చెప్పారు. ఆరోజు వరకూ అంతా వేచి చూద్దాం అని పేర్కొన్నారు.
Read More :
Air Show | ఎయిర్షోలో ఢీకొన్న రెండు విమానాలు.. వీడియో