Sharad Pawar : లోక్సభ స్పీకర్ ఎన్నిక అంశంపై తాను ఎవరితోనూ చర్చలు జరపలేదని ఎన్సీపీ ఎస్సీపీ చీఫ్ శరద్ పవార్ అన్నారు. స్పీకర్ పదవికి పాలక పార్టీ సభ్యుడు ఎన్నికవడం ఆనవాయితీగా వస్తోందని చెప్పారు.
డిప్యూటీ స్పీకర్ పదవి విపక్షాలకు కేటాయించే సంప్రదాయం ఉన్నా గత పదేండ్లుగా అధిక సీట్లు గెలుచుకున్న మోదీ సర్కార్ విపక్షాలకు ఈ పదవి కేటాయించేందుకు అంగీకరించలేదని పేర్కొన్నారు.
స్పీకర్ పదవికి పోటీ లేకుండా ఏకగ్రీవ ఎన్నిక జరిగేలా పాలక పక్షం చూడాలని విపక్ష ఇండియా కూటమిలో చర్చించామని తెలిపారు. స్పీకర్ పదవిపై ఏకాభిప్రాయంతో నిర్ణయం తీసుకోవాలనే దానిపై తాము అంగీకరించామని చెప్పారు. తాను ఢిల్లీ వెళ్లిన తర్వాత ఈ వ్యవహారంపై ఓ స్పష్టత వస్తుందని శరద్ పవార్ తెలిపారు.
Read More :