Sharad Pawar : ఎక్సైజ్ పాలసీ కేసులో అరెస్టయిన ఆప్ ఎంపీ సంజయ్ సింగ్కు సుప్రీంకోర్టు బెయిల్ మంజూరు చేయడంపై ఎన్సీపీ-ఎస్సీపీ చీఫ్ శరద్ పవార్ స్పందించారు. సంజయ్ సింగ్ను అరెస్ట్ చేసి అతడికి అన్యాయం చేశారని, ఇప్పుడు ఆయన విడుదలవడం శుభ పరిణామమని పవార్ వ్యాఖ్యానించారు.
సింగ్ బెయిల్పై విడుదల కావడంతో ఈ వ్యవహారంలో ఇప్పుడు దేశం ముందు నిజం బయటపడుతుందని పవార్ పేర్కొన్నారు. కాగా, సంజయ్ సింగ్కు బెయిల్ లభించడంతో సత్యం గెలిచిందని ఆప్ జాతీయ ప్రతినిధి ప్రియాంక కక్కర్ పేర్కొన్నారు.
తాము మొదటి నుంచి ఇదే చెబుతున్నామని, ఈ కేసు మొత్తం బూటకమని, బీజేపీ కార్యాలయంలో ఈ కేసుపై కట్టుకథ అల్లారని ఆమె అన్నారు. మరో 500 సార్లు దాడులు చేసినా ఒక్క పైసా కూడా స్వాధీనం చేసుకోలేరని స్పష్టం చేశారు. విచారణలో డబ్బు పట్టుబడనప్పుడు ఆయనను ఎందుకు కస్టడీలో ఉంచాలని సుప్రీంకోర్టు కూడా ప్రశ్నించిందని ప్రియాంక కక్కర్ పేర్కొన్నారు.
Read More :
Janasena | జనసేనకు ఎన్నికల కమిషన్ షాక్.. పవన్ కళ్యాణ్కు గాజు గ్లాస్ గుర్తు లేనట్టేనా!