ఆప్ రాజ్యసభ ఎంపీ స్వాతి మలివాల్పై దాడి కేసు దేశ రాజధానిలో కలకలం రేపింది. దాడికి నిరసనగా బీజేపీ సహా మహిళా సంఘాలు నిరసనలు చేపట్టాయి. మరోవైపు ఢిల్లీ సీఎం అరవింద్ కేజ్రీవాల్ నివాసం వెలుపల భద్రతను కట్టుదిట్టం చేశారు. సొంత పార్టీ ఎంపీపై ఆప్ నేతలు దాడి చేయడంతో విపక్షాలు విరుచుకుపడుతున్నాయి.
స్వాతి మలివాల్ ఫిర్యాదు ఆధారంగా కేసు నమోదు చేశారు. ఆమెకు శుక్రవారం నిర్వహించిన వైద్య పరీక్షల్లో ముఖంపై సహా అంతర్గతంగా గాయాలయ్యాయని వెల్లడైంది. ఢిల్లీ సీఎం పీఏ బిభవ్ కుమార్ కేజ్రీవాల్ నివాసంలో తనను తిట్టి, ఛాతీపై, పొట్ట భాగంలో తన్నాడని ఆమె ఫిర్యాదు చేసిన సంగతి తెలిసిందే.
కేజ్రీవాల్ బెయిల్పై బయటకు రావడంతో కంగుతిన్న కాషాయ పార్టీ స్వాతి మలివాల్ను పావుగా చేసుకుని కుట్రకు తెరలేపిందని ఆప్ మంత్రి అతిషి ఆరోపించారు. ఆ సమయంలో కేజ్రీవాల్ లేకపోవడంతో ఆయన పీఏపై ఆరోపణలకు తెగబడ్డారని అన్నారు. వీడియోలో స్వాతి మలివాల్కు ఎలాంటి గాయాలు అయినట్టు కనిపించలేదని అతిషి చెప్పుకొచ్చారు.
Read More :
Arvind Kejriwal | నిందితుల జాబితాలో తొలిసారి పార్టీ పేరు.. మద్యం పాలసీ కేసులో ఆప్ను చేర్చిన ఈడీ