న్యూఢిల్లీ, ఏప్రిల్ 1: లోక్సభ ఎన్నికల ముంగిట కేంద్ర ప్రభుత్వం తాయిలాలు ప్రకటిస్తున్నది. ఇటీవలే గృహ వినియోగ వంటగ్యాస్ ధరను తగ్గించిన మోదీ సర్కారు.. తాజాగా వాణిజ్య సిలిండర్ ధరనూ తగ్గించింది. 19 కిలోల కమర్షియల్ గ్యాస్ సిలిండర్పై రూ.30.5 తగ్గిస్తూ సోమవారం నిర్ణయం తీసుకున్నది. ఈ మేరకు కేంద్ర చమురు సంస్థలు సోమవారం నోటిఫికేషన్ విడుదల చేశాయి. గత మూడు నెలల్లో కమర్షియల్ సిలిండర్ ధర తగ్గించడం ఇదే తొలిసారి కావడం గమనార్హం.