Rolls Royce Ghost | ఇన్ని రోజులూ తీవ్ర ఎండ కారణంగా ఉక్కపోతతో అల్లాడిపోయిన దేశరాజధాని ఢిల్లీని ఇటీవలే భారీ వర్షం కుదిపేసిన విషయం తెలిసిందే. గత నెల 28న ఢిల్లీ వ్యాప్తంగా కేవలం మూడు గంటల్లోనే రికార్డు స్థాయిలో 228.1 మిల్లీమీటర్ల వర్షపాతం నమోదైంది. దీంతో రోడ్లన్నీ వరద నీటితో నిండిపోయాయి. పలు చోట్ల కార్లు మునిగిపోయాయి. ప్రధాన రహదారులు సైతం నదులను తలపించాయి. దీంతో వాహనదారులు తీవ్ర ఇబ్బందులు పడ్డారు.
ఈ క్రమంలో వరద నీటిలో ఓ ఖరీదైన కారు చిక్కుకుపోయిన వీడియో ఒకటి తాజాగా వెలుగులోకి వచ్చింది. రోల్స్ రాయిస్ ఘోస్ట్ (Rolls Royce Ghost) బ్లాక్ కలర్ కారు వరద నీటిలో ఆగిపోయింది. అదే సమయంలో అటుగా వెళ్తున్న ఇతర వాహనదారులు ఈ ఖరీదైన కారు వరద నీటిలో ఆగిపోవడం చూసి షాక్ అయ్యారు. ఓ ఇన్స్టాగ్రామ్ యూజర్ ఇందుకు సంబంధించిన దృశ్యాలను వీడియో తీసి సోషల్ మీడియాలో పోస్టు చేయగా ప్రస్తుతం అదికాస్తా వైరల్గా మారింది. తన మారుతీ సుజుకీ కారులోంచి ఈ వీడియో తీసినట్లు సదరు యూజర్ పేర్కొన్నారు.
కాగా, ఇది పాత రకం రోల్స్ రాయిస్ ఘోస్ట్ కారు. ఇది భారత్లో 2009 – 2010లో సుమారు రూ.2.5 కోట్ల (ఎక్స్ షోరూమ్) ప్రారంభ ధరతో దీన్ని ప్రారంభించారు. అయితే ఈ మోడల్ ప్రస్తుతం అందుబాటులో లేదు. ఇంత ఖరీదైన కారు ఇలా వరద నీటిలో చిక్కుకుపోవడం చూసిన నెటిజన్లు ఒక్కసారిగా షాక్ అవుతున్నారు.
Also Read..
Rahul Gandhi | లోక్సభలో రాహుల్ గాంధీ వివాదాస్పద వ్యాఖ్యలు.. రికార్డుల నుంచి తొలగింపు
Salman Khan | రూ.25లక్షల ఒప్పందం.. ఆధునిక ఆయుధాలతో సల్మాన్ హత్యకు బిష్ణోయ్ గ్యాంగ్ పక్కా స్కెచ్
Turbulence | స్పానిష్ విమానంలో భారీ కుదుపులు.. 30 మంది ప్రయాణికులకు గాయాలు