న్యూఢిల్లీ: ప్రభుత్వ బ్యాంకుల ఉన్నతాధికారుల పదవీ విరమణ వయసును పెంచనున్నారు. బ్యాంకు చైర్మన్, మేనేజింగ్ డైరెక్టర్ల పదవీ విరమణ వయసును పొడిగించాలని ప్రభుత్వం యోచిస్తున్నది. మొత్తం బ్యాంకింగ్ వ్యవస్థలో 60 శాతం ఆస్తులు ప్రభుత్వ రంగ బ్యాంకుల చేతిలోనే ఉన్నాయి.
ఈ క్రమంలో దేశంలోనే అతిపెద్దదైన స్టేట్ బ్యాంక్ ఆఫ్ ఇండియా చైర్మన్ పదవీ కాలాన్ని ప్రస్తుతమున్న 63 నుంచి 65 ఏండ్లకు, డైరెక్టర్ల పదవీ విరమణ వయసును 60 నుంచి 62 ఏండ్లకు పొడిగించాలన్న ప్రతిపాదన పరిశీలనలో ఉన్నట్టు ఒక అధికారి తెలిపారు.