న్యూఢిల్లీ, జూన్ 18: దేశవ్యాప్తంగా రిలయన్స్ జియో సేవల్లో అంతరాయం ఏర్పడింది. మొబైల్ కనెక్టివిటీ, జియో ఫైబర్ సేవల్లోనూ సమస్యలు ఉన్నాయని సోషల్మీడియాలో వినియోగదారులు పెద్ద ఎత్తున ఫిర్యాదులు చేస్తున్నారు. వాట్సాప్, ఇన్స్టాగ్రామ్, స్నాప్షాట్, యూట్యూబ్, గూగుల్ సెర్చ్ వంటి ప్రముఖ యాప్లను యాక్సెస్ చేయలేకపోతున్నామని, తమకు ఎదురవుతున్న అసౌకర్యంపై వినియోగదారులు ఆగ్రహం వ్యక్తంచేస్తున్నారు.
జియో ఫైబర్ సమస్యలను 58 శాతం, మొబైల్ ఇంటర్నెట్ కనెక్టివిటీ సమస్యలను 36 శాతం, మొబైల్ నెట్వర్క్ సమస్యలను ఏడు శాతం మంది వినియోగదారులు ఎదుర్కొంటున్నారు. ఇంటర్నెట్ రాకపోవడంపై జియో కస్టమర్ కేర్కు ఫిర్యాదు చేస్తే పట్టించుకోవడం లేదని మరికొందరు వాపోయారు. అయితే, సేవల అంతరాయంపై జియో ఎలాంటి అధికారిక ప్రకటన చేయలేదు.