Covid-19 | న్యూఢిల్లీ, జూలై 17: పిల్లల్లోగానీ, పెద్దల్లోగానీ టైప్-1 డయాబెటిస్ లక్షణాలు అంత త్వరగా బయటపడవు. అయితే కొవిడ్ సోకిన పిల్లల్లో టైప్1 డయాబెటిస్ లక్షణాలు వేగంగా బయటపడతాయని తాజా అధ్యయనం వెల్లడించింది. ‘అమెరికన్ మెడికల్ అసోసియేషన్’ జర్నల్ నివేదిక ప్రకారం.. విపరీతమైన దాహం, తరుచూ మూత్ర విసర్జన, నిద్రలేమి, వంటివి టైప్-1 డయాబెటిస్లో ప్రధాన లక్షణాలు. పిల్లల్లో, పెద్దల్లో ఈ లక్షణాలు చాలా ఆలస్యంగా బయటపడతాయి. కొవిడ్-19 బారినపడ్డ పిల్లల్లో మాత్రం.. ఆటోఇమ్యూన్ డిజార్డర్తో టైప్-1 డయాబెటిస్ను వెంటనే గుర్తించవచ్చునని పరిశోధకులు చెబుతున్నారు. ఇది ‘రోగ నిరోధక వ్యవస్థ’ ప్యాంక్రియాస్పైనా దాడి చేసి దెబ్బ కొడుతుంది. రక్త పరీక్షతో ఇన్సులిన్ కణాల తీరును పరిశీలించి టైప్-1 డయాబెటిస్ను ప్రారంభ దశలోనే గుర్తించవచ్చునని అధ్యయనం వివరించింది.
భారత్లో ఫేక్ ఈ-చలాన్ స్కామ్
న్యూఢిల్లీ, జూలై 17: వాట్సాప్ల్లో ఫేక్ ఈ-చలాన్లు పంపుతూ వియత్నాం హ్యాకర్లు పెద్ద ఎత్తున ఆర్థిక మోసాలకు పాల్పడుతున్నారు. హ్యాకర్ల దాడితో.. భారత్లోని 4,400 మొబైల్ ఫోన్లకు మాల్వేర్ సోకిందని, మోసపూరిత ఆర్థిక లావాదేవీలతో హ్యాకర్లు రూ.16 లక్షలు కొల్లగొట్టారని ప్రముఖ సైబర్ సెక్యూరిటీ సంస్థ ‘క్లౌడ్సెక్’ తాజాగా వెల్లడించింది. తొలుత హ్యాకర్లు వాట్సాప్ ద్వారా ఫేక్-ట్రాఫిక్ చలాన్ నోటీసుల్ని పంపుతారు. వాటిపై క్లిక్ చేయగానే యూజర్ల మొబైల్ ఫోన్లలోకి మాల్వేర్ ప్రవేశిస్తుంది. దీంతో ఓటీపీ నెంబర్లు సహా అంతా హ్యాకర్లకు తెలిసిపోతున్నది. ఈ-కామర్స్ సైట్లలోకి వెళ్లి మోసపూరిత ఆర్థిక లావాదేవీలకు హ్యాకర్లు పాల్పడ్డారని ‘క్లౌడ్సెక్’ తెలిపింది.