న్యూఢిల్లీ, జూలై 3: రాజ్యసభ బుధవారం నిరవధికంగా వాయిదా పడింది. రాష్ట్రపతి ద్రౌపది ముర్ము ఇరు సభలను ఉద్దేశించిన చేసిన ప్రసంగంపై బుధవారం ధన్యవాద తీర్మానాన్ని ఆమోదించిన తర్వాత సభను వాయిదా వేస్తున్నట్టు ప్రకటించారు. రాజ్యసభ 254వ సమావేశం జూన్ 27న ప్రారంభం కాగా, ప్రధాని మోదీ ధన్యవాద తీర్మానంతో ముగిసింది. లోక్సభ మంగళవారమే నిరవధికంగా వాయిదా పడింది.
ఎన్ఎంసీ చీఫ్గా గంగాధర్
న్యూఢిల్లీ: నేషనల్ మెడికల్ కమిషన్ (ఎన్ఎంసీ) చైర్పర్సన్గా డాక్టర్ బీఎన్ గంగాధర్, మెడికల్ అసెస్మెంట్ అండ్ రేటింగ్ బోర్డ్ ప్రెసిడెంట్గా డాక్టర్ సంజయ్ బేహారి నియమితులయ్యారు. క్యాబినెట్ నియామకాల కమిటీ బుధవారం వీరి నియామకాలకు ఆమోదం తెలిపింది. డాక్టర్ గంగాధర్ గతంలో నేషనల్ ఇన్స్టిట్యూట్ ఆఫ్ మెంటల్ హెల్త్ అండ్ న్యూరోసైన్సెస్ డైరెక్టర్గా పని చేశారు. ఆయన ఎన్ఎంసీ అఫిసియేటింగ్ చైర్మన్గా గత ఏడాది సెప్టెంబరు నుంచి పని చేస్తున్నారు.
స్మార్ట్ సిటీలకు గడువు పొడిగింపు
న్యూఢిల్లీ: స్మార్ట్ సిటీస్ మిషన్ గడువును వచ్చే ఏడాది మార్చి వరకు పొడిగించినట్లు కేంద్రం తెలిపింది. మొత్తం ప్రాజెక్టుల్లో 10% ప్రాజెక్టుల పనులు ప్రస్తుతం జరుగుతున్నాయని, వీటిని పూర్తి చేయడానికి గడువును పెంచాలని చాలా రాష్ర్టాలు కోరినట్లు వివరించింది.