Loksabha Elections : లోక్సభ ఎన్నికలకు కాంగ్రెస్ ప్రకటించిన మేనిఫెస్టోపై కేంద్ర రక్షణ శాఖ మంత్రి రాజ్నాథ్ సింగ్ విమర్శలు గుప్పించారు. కాంగ్రెస్ గ్యారంటీలను ప్రజలు విశ్వసించడం లేదని వ్యాఖ్యానించారు. ఆచరణసాధ్యం కాని హామీలను కాంగ్రెస్ పార్టీ తన మేనిఫెస్టోలో పొందుపరిచిందని ఆరోపించారు.
గతంలో తాము మేనిఫెస్టోలో ఇచ్చిన హామీలను నెరవేర్చామని రాజ్నాథ్ సింగ్ పేర్కొన్నారు. ఇవాళ ఆర్ధిక వ్యవస్ధ వృద్ధి దిశగా దూసుకెళుతోందని, ఆర్ధిక లోటు తగ్గుతున్నదని, ఎగుమతులు పెరుగుతున్నాయని చెప్పారు. దేశంలోకి పెట్టుబడులు పెరుగుతున్నాయని వివరించారు.
ప్రధాని నరేంద్ర మోదీ గ్యారంటీల పట్ల ప్రజల్లో విశ్వాసం వ్యక్తమవుతోందన్నారు. రానున్న లోక్సభ ఎన్నికల్లో బీజేపీ విజయం సాధించి ప్రధాని మోదీ మూడోసారి కేంద్రంలో పాలనా పగ్గాలు చేపడతారని కేంద్ర మంత్రి ధీమా వ్యక్తం చేశారు.
Read More :