భువనేశ్వర్, జూన్ 10: ఒడిశా బీజేపీ శాసన సభా పక్షం సమావేశం నేడు (మంగళవారం) జరుగుతుంది. బీజేపీ ఎంపీ ప్రతాప్ సారంగి తెలిపిన వివరాల ప్రకారం, బీజేపీ రాష్ట్ర ప్రధాన కార్యాలయంలో సాయంత్రం 4.30 గంటలకు జరిగే ఈ సమావేశంలో ముఖ్యమంత్రి పదవికి అభ్యర్థిని ఎన్నుకుంటారు. పార్టీ పరిశీలకులుగా రాజ్నాథ్ సింగ్, భూపేందర్ యాదవ్ హాజరవుతారు. ముఖ్యమంత్రి ప్రమాణ స్వీకార కార్యక్రమం బుధవారం సాయంత్రం 5 గంటలకు జరుగుతుంది. ఒడిశాలో 147 శాసన సభ నియోజకవర్గాలు ఉన్నాయి. వీటిలో 78 స్థానాలను గెలుచుకుని రాష్ట్రంలో బీజేపీ తొలిసారి అధికారంలోకి వచ్చిన సంగతి తెలిసిందే. ముఖ్యమంత్రి పదవి రేసులో సురేశ్ పూజారి, మన్మోహన్ సమాల్, కేవీ సింగ్, మోహన్ మాఝీ తదితరుల పేర్లు ప్రముఖంగా వినిపిస్తున్నాయి.