తిరువనంతపురం: కేరళలోని తిరువనంతపురం నుంచి కాంగ్రెస్ అభ్యర్థిగా పోటీ చేస్తున్న శశి థరూర్కు ఓటమి ఎదురయ్యేలా ఉన్నది. ఆ స్థానం నుంచి పోటీ చేసిన బీజేపీ అభ్యర్థి, కేంద్ర మంత్రి రాజీవ్ చంద్రశేఖర్(Rajeev Chandrasekhar) ప్రస్తుతం లీడింగ్లో ఉన్నారు. తాజా సమాచారం ప్రకారం రాజీవ్ చంద్రశేఖర్ 23 వేల ఓట్ల తేడాతో ఆధిక్యంలో ఉన్నారు. మూడవ సారి విజయాన్ని నమోదు చేయాలనుకున్న థరూర్కు బ్రేక్ పడే అవకాశాలు ఉన్నాయి.
త్రిసుర్ లోక్సభ స్థానం నుంచి సినీ నటుడు సురేశ్ గోపి లీడింగ్లో ఉన్నారు. ఆ నియోజకవర్గంలో తాజా సమాచారం ప్రకారం సుమారు 43 వేల ఓట్ల మెజారిటీతో సురేశ్ గోపి ఆధిక్యంలో ఉన్నారు. రెండో స్థానంలో సునిల్ కుమార్ ఉన్నారు.