Rajasthan Minister | రాజస్థాన్ మంత్రి (Rajasthan Minister) కిరోడి లాల్ మీనా ( Kirodi Lal Meena) కీలక నిర్ణయం తీసుకున్నారు. ఇటీవలే జరిగిన లోక్సభ ఎన్నికల్లో పార్టీ ఓటమికి బాధ్యత వహిస్తూ.. ఇచ్చిన హామీ మేరకు మంత్రి పదవికి రాజీనామా చేశారు. ఈ మేరకు రాజీనామా పత్రాన్ని సీఎంకు అందజేశారు. ‘కిరోడి మీనా మంత్రి పదవికి రాజీనామా చేశారు. 10 రోజుల క్రితమే రాజీనామా పత్రాన్ని ముఖ్యమంత్రికి అందజేశారు’ అని అధికార వర్గాలు తాజాగా వెల్లడించాయి.
కాగా ఇటీవలే జరిగిన లోక్సభ ఎన్నికల్లో 25 స్థానాలకు గానూ బీజేపీ 14 స్థానాలను గెలుచుకుంది. ఈ ఎన్నికల్లో కాంగ్రెస్ పుంజుకుని దౌసాతో సహా ఎనిమిది స్థానాలను దక్కించుకోగలిగింది. ఇక ఇతర పార్టీలు మూడు స్థానాల్లో గెలుపొందారు. అయితే ఎన్నికలకు ముందు పార్టీ అధిష్టానం తనకు అప్పగించిన దౌసా స్థానం సహా ఏడు లోక్సభ స్థానాల్లో ఒక్కటి ఓడిపోయినా మంత్రి పదవికి రాజీనామా చేస్తానని కిరోడి హామీ ఇచ్చారు (poll promise). ఇచ్చిన మాట మేరకు ఇప్పుడు మంత్రి పదవికి రాజీనామా చేశారు.
గతేడాది జరిగిన రాష్ట్ర అసెంబ్లీ ఎన్నికల్లో 72 ఏళ్ల కిరోడి లాల్ మీనా సవాయి మాధోపూర్ నుంచి గెలుపొందారు. ఆ ఎన్నికల్లో 200 నియోజకవర్గాలకు గానూ బీజేపీ అత్యధికంగా 115 స్థానాల్లో గెలుపొందింది. కాంగ్రెస్ 66 స్థానాలను కైవసం చేసుకుంది. ఇక రాష్ట్ర కేబినెట్లో వ్యవసాయం, ఉద్యానవనం, గ్రామీణాభివృద్ధి, విపత్తు నిర్వహణ, సహాయ, పౌర రక్షణ వంటి శాలకు మంత్రిగా కిరోడి వ్యవహరించారు.
Also Read..
Thief | ఇంటిని దోచుకుని.. నెలలో తిరిగిచ్చేస్తానంటూ లేఖ రాసిన దొంగ
Anant Weds Radhika | అంబానీ ఇంట సంప్రదాయ మామేరు వేడుక.. మెరిసిపోయిన పెళ్లికూతురు.. వీడియోలు