ముంబై: బైక్పై వెళ్తున్న పోలీస్ ప్రభుత్వ బస్సును అడ్డుకున్నాడు. బస్సులోకి ఎక్కి డ్రైవర్ను తీవ్రంగా కొట్టాడు. (Policeman Assaults Bus Drive) ఈ వీడియో క్లిప్ సోషల్ మీడియాలో వైరల్ అయ్యింది. మహారాష్ట్రలోని పూణేలో ఈ సంఘటన జరిగింది. ఆదివారం పీఎంపీఎంఎల్ బస్సు చాలా దగ్గర నుంచి క్రాస్ కావడంపై బైక్పై వెళ్తున్న పోలీస్ ఆగ్రహించాడు. ఆ బస్సును క్రాస్ చేసి దాని ముందు బైక్ నిలిపాడు. అనంతరం బస్సులోకి ఎక్కిన పోలీస్, డ్రైవర్ను తీవ్రంగా కొట్టాడు. సీటు నుంచి బయటకు లాగేందుకు యత్నించాడు. దీంతో ప్రతిఘటించేందుకు బస్సు డ్రైవర్ ప్రయత్నించాడు. దాడి చేసిన పోలీస్ హెల్మెట్ ధరించి ఉన్నాడు.
కాగా, బస్సు డ్రైవర్పై పోలీస్ దాడి చేసిన వీడియో క్లిప్ సోషల్ మీడియాలో వైరల్ అయ్యింది. దీనిపై నెటిజన్లు స్పందించారు. ఆ పోలీస్ చర్యను చాలా మంది తప్పుపట్టారు. బస్సు డ్రైవర్ను కొట్టిన పోలీస్పై చర్యలు తీసుకోవాలని పలువురు డిమాండ్ చేశారు.
#WATCH | #Pune: Cop Caught On Video Assaulting PMPML Bus Driver
Read story: https://t.co/Hgbef3dFDS#punenews #maharashtra pic.twitter.com/w0FgLAOKHC
— Free Press Journal (@fpjindia) July 21, 2024