Shahi Tharoor | న్యూఢిల్లీ: లోక్సభలో 10% స్థానాలను 35 ఏండ్లలోపు వారికి రిజర్వ్ చేయాలని కాంగ్రెస్ ఎంపీ శశి థరూర్ ఓ ప్రైవేట్ మెంబర్ బిల్లును శుక్రవారం లోక్సభలో ప్రవేశపెట్టారు. పార్లమెంటులో యువత స్పష్టంగా మైనారిటీగా ఉన్నదని, ఇది ప్రజాస్వామిక లోటుకు దారితీస్తుందని అందులో పేర్కొన్నారు.
మన దేశ జనాభాలో 35 ఏండ్లలోపు వయసు గలవారు 65 శాతానికిపైగా ఉన్నారని తెలిపారు. మన దేశంలో యువ ఎంపీలు తగిన సంఖ్యలో లేరని పేర్కొన్నారు. లోక్సభలో యువత కోసం కొన్ని స్థానాలను కేటాయించడం వల్ల యువతకు కూడా రాజకీయాల్లో స్థానం ఉందనే సందేశాన్ని వారికి పంపించవచ్చునని శశిథరూర్ చెప్పారు.