న్యూఢిల్లీ, జూలై 3: రాష్ట్రపతి ప్రసంగానికి ధన్యవాదాలు తెలిపే తీర్మానంపై చర్చ సందర్భంగా బుధవారం రాజ్యసభలో ప్రధాని మోదీ విపక్షాలపై మాటల దాడికి దిగారు. రిమోట్ కంట్రోల్తో గత ప్రభుత్వాలు నడిచేవంటూ సోనియాగాంధీని ఉద్దేశించి ప్రధాని మోదీ వ్యాఖ్యానించారు. ఆయన వ్యాఖ్యలపై కాంగ్రెస్ అభ్యంతరం వ్యక్తం చేసింది. ప్రధాని ప్రసంగిస్తుండగా, ఇండియా కూటమి సభ్యులు తమ తమ సీట్ల నుంచి లేచి నిలబడి నిరసనకు దిగారు. అనంతరం సభ నుంచి వాకౌట్ చేశారు. తర్వాత ప్రధాని మోదీ తన ప్రసంగాన్ని కొనసాగించారు.