వారణాసి: ప్రధానమంత్రి మోదీకి వారణాసి ఓటర్లు ఝలక్ ఇచ్చారు. 2014లో 3.71 లక్షలు, 2019లో 4.79 లక్షల భారీ మెజారిటీతో విజయం సాధించిన మోదీకి ఈ ఎన్నికల్లో మాత్రం మెజారిటీ భారీగా తగ్గిపోయింది. 1.52 లక్షల మెజారిటీ మాత్రమే ఆయన దక్కించుకున్నారు. కాంగ్రెస్ అభ్యర్థి అజయ్ రాయ్.. మోదీకి గట్టి పోటీ ఇచ్చారు. మొదటి రౌండ్లలో మోదీ వెనుకబడి పోవడం దేశవ్యాప్తంగా సంచలనంగా మారింది. గత పదేండ్లలో వారణాసిలో భారీగా అభివృద్ధి పనులు చేపట్టానని చెప్పుకున్నప్పటికీ మెజారిటీ తగ్గడం ప్రధాని మోదీకి ఇబ్బందికరంగా మారింది. ఇదే సమయంలో ఉత్తరప్రదేశ్లోనే రాయ్బరేలీ నుంచి రాహుల్ గాంధీ దాదాపు 4 లక్షల ఓట్ల భారీ మెజారిటీ దక్కించుకోవడం గమనార్హం.