Piyush Goyal : దేశంలో నిరుద్యోగం తాండవిస్తూ ఉపాధి లేక యువత సతమతమవుతుంటే ఉద్యోగాల కల్పనలో మోదీ సర్కార్ ముందువరసలో నిలిచిందని కేంద్ర మంత్రి పీయూష్ గోయల్ విస్తుగొలిపే వ్యాఖ్యలు చేశారు. నిరుద్యోగిత రేటు రికార్డుస్ధాయిలో ఉంటే వాస్తవాలు అందుకు భిన్నంగా ఉన్నాయంటూ గోయల్ గొప్పలు చెప్పారు.
దేశంలో ఉపాధి కల్పనపై ఆర్బీఐ వెల్లడించిన తాజా నివేదిక మోదీ సర్కార్లో పెరిగిన నూతన ఉపాధి అవకాశాలు, నూతన ఉద్యోగాలు అందుబాటులోకి వచ్చిన తీరును కండ్లకు కడుతున్నదని మంత్రి పేర్కొన్నారు. ప్రధాని నరేంద్ర మోదీ నేతృత్వంలో దేశవ్యాప్తంగా ఉపాధి అవకాశాలు పెరిగాయని చెప్పుకొచ్చారు. 1981-82 తర్వాత తొలిసారిగా గత ఏడాది రెండున్నర రెట్లు అధికంగా ఉపాధి అవకాశాలు అందుబాటులోకి వచ్చాయని తెలిపారు.
గత ఏడాది 4.6 కోట్ల మందికి పైగా నూతన ఉద్యోగాలు అందుకున్నారని చెప్పారు. ఇది 6 శాతం అధికమని వెల్లడించారు. 2022-23లో అతితక్కువగా 3.2 శాతం నిరుద్యోగిత రేటు నమోదైందని వివరించారు. మోదీ హయాంలో అత్యధికంగా నూతన ఉద్యోగాలు అందుబాటులోకి వచ్చాయని తెలిపారు. 2014-2023 మధ్య 12.5 కోట్ల ఉద్యోగాలు సమకూరాయని, 2004-2014 వరకూ యూపీ హయాంలో కేవలం 2.9 కోట్ల నూతన ఉద్యోగాలు అందుబాటులోకి వచ్చాయని ఎస్బీఐ వెల్లడించిన నివేదిక ఆధారంగా తెలుస్తోందని పీయూష్ గోయల్ వివరించారు.
Read More :
Raj Tarun | రాజ్తరుణ్ కేసులో రోజుకో ట్విస్ట్.. రూ.70 లక్షలు ఇచ్చాం : లావణ్య