Kerala | కొచి, జూలై 20: కేరళ ప్రభుత్వం తీసుకున్న అసాధారణ నిర్ణయం వివాదాస్పదంగా మారింది. ఐఏఎస్ అధికారిని కే వాసుకిని విదేశాంగ కార్యదర్శిగా నియమిస్తూ ఈ నెల 15న పినరయి విజయన్ ప్రభుత్వం ఉత్తర్వులు జారీ చేసింది. ప్రస్తుతం ఆమె కార్మిక, నైపుణ్యాభివృద్ధి శాఖ కార్యదర్శిగా ఉన్నారు. విదేశీ సహకారానికి సంబంధించిన అంశాలు సైతం చూసుకోవాల్సిందిగా ప్రభుత్వం ఆమెకు అదనపు బాధ్యతలు అప్పగించింది. ఇందుకు గానూ కేంద్ర విదేశీ వ్యవహారాల శాఖ, ఎంబసీలతో సమన్వయం కోసం న్యూఢిల్లీలోని కేరళ హౌజ్ రెసిడెంట్ కమిషనర్ సహకరిస్తారని ఆదేశాల్లో పేర్కొన్నది.
కాగా, ప్రభుత్వ నిర్ణయాన్ని బీజేపీ తీవ్రంగా తప్పుబట్టింది. ఈ విషయమైన బీజేపీ కేరళ అధ్యక్షుడు కే సురేంద్రన్ స్పందిస్తూ.. ‘ఈ నిర్ణయం రాజ్యాంగంలోని కేంద్ర అధికారాల జాబితాను ఉల్లంఘించడమే. ఇది తీవ్రమైన అతిక్రమణ. విదేశీ వ్యవహారాలపై ఎల్డీఎఫ్ ప్రభుత్వానికి ఎలాంటి అధికారం లేదు. ఈ రాజ్యాంగ విరుద్ధ చర్య ప్రమాదకర ఉదాహరణగా నిలుస్తుంది’ అని పేర్కొన్నారు. కేరళను ప్రత్యేక దేశంగా ఏర్పాటు చేయాలని ముఖ్యమంత్రి పినరయి విజయన్ ప్రయత్నిస్తున్నారా? అని ప్రశ్నించారు.
కేరళలో మళ్లీ నిఫా వైరస్ కలకలం రేపింది. కోజికోడ్లో 15 ఏండ్ల బాలుడికి వైరస్ సోకింది. రాష్ట్ర ఆరోగ్య శాఖ మంత్రి వీణా జార్జ్ మీడియాతో మాట్లాడుతూ.. ప్రస్తుతం బాలుడు వెంటిలేటర్పై చికిత్స పొందుతున్నాడని చెప్పారు. బాలుడితో సన్నిహితంగా ఉన్నవారిని ఇప్పటికే క్వారంటైన్లో ఉంచామని, వారి శాంపిళ్లను పరీక్షలకు పంపినట్టు తెలిపారు.