Hooch Tragedy : తమిళనాడులోని కళ్లకురిచి నాటు సారా ఘటనలో మృతుల సంఖ్య అంతకంతకూ పెరుగుతోంది. ఈ వ్యవహరంపై డీఎంకే సర్కార్, సీఎం ఎంకే స్టాలిన్ లక్ష్యంగా విపక్షాలు విరుచుకుపడుతున్నాయి. కళ్లకురిచి ఘటనకు సంబంధించి ఏఐఏడీఎంకే ప్రధాన కార్యదర్శి కే పళనిస్వామి ఆ పార్టీ నేతలు తమిళనాడు గవర్నర్ ఆర్ఎన్ రవిని రాజ్భవన్లో మంగళవారం కలిశారు.
గవర్నర్తో భేటీ అనంతరం పళనిస్వామి విలేకరులతో మాట్లాడుతూ కల్తీ మద్యం ఘటనకు బాధ్యత వహిస్తూ సీఎం ఎంకే స్టాలిన్ తన పదవికి రాజీనామా చేయాలని డిమాండ్ చేశారు. వాస్తవాలు వెలుగుచూసేందుకు ఈ ఘటనపై సీబీఐ విచారణ చేపట్టాలని కోరారు.
అటవీ శాఖ అధికారులను కూడా విచారించాలని అన్నారు. సీబీసీఐడీ విచారణతో ఈ కేసులో వాస్తవాలు బయటపడవని చెప్పారు. ఏకసభ్య కమిషన్ విచారణతో కూడా ఎలాంటి ఉపయోగం లేదని పెదవివిరిచారు. కళ్లకురిచి కల్తీ మద్యం కేసుపై సీబీఐ విచారణ జరిపించాలని కోరుతూ గవర్నర్కు తాము వినతిపత్రం సమర్పించామని పళనిస్వామి వెల్లడించారు.
Read More :
Nita Ambani | పదేళ్ల తర్వాత కాశీకి వెళ్లిన నీతా అంబానీ.. రోడ్సైడ్ షాప్లో చాట్ తిని