న్యూఢిల్లీ: భారత ప్రధాని నరేంద్రమోదీపై బ్రిటన్లోని భారతీయుల్లో వ్యతిరేక అభిప్రాయం ఉన్నట్టు తాజా సర్వేలో తేలింది. సర్వే చేసిన హిందువుల్లో 50 శాతం మంది హిందూత్వ సిద్ధాంతాలను వ్యతిరేకించారు. ప్లాట్ఫామ్ ఫర్ ఇండియన్ డెమొక్రసీ 500 మంది బ్రిటిష్ ఇండియన్లపై ఈ సర్వే నిర్వహించింది. సర్వేలో పాల్గొన్న వారిలో 52 శాతం మంది మోదీపై ప్రతికూల అభిప్రాయం వ్యక్తం చేయగా, 35 శాతం మంది మోదీకి మద్దతుగా నిలిచారు. హిందువుల్లో 57% మంది మోదీకి మద్దతుగా నిలువగా, హిందూయేతరుల్లో 71%ం మంది మోదీని వ్యతిరేకించారు. మోదీపై ప్రతికూల అభిప్రాయాలు వ్యక్తం చేసిన వారిలో పురుషుల కంటే మహిళలే ఎక్కువగా ఉన్నారు. దేశం సరైన దిశలో పయనిస్తున్నదని 68% మంది హిందువులు అభిప్రాయపడగా, 73% మంది హిందూయేతరులు, 81% ముస్లింలు వ్యతిరేకించారు.