SearchGPT | న్యూఢిల్లీ: సెర్చ్ఇంజిన్లలో గూగుల్ గుత్తాధిపత్యానికి పెను సవాల్ ఎదురైంది. కృత్రిమ మేధ (ఏఐ) ఆధారిత చాట్బాట్ సేవలను అందిస్తున్న చాట్జీపీటీని తీసుకొచ్చిన ఓపెన్ ఏఐ సంస్థ ఈ సవాల్ను విసిరింది. ‘సెర్చ్జీపీటీ’ పేరుతో సెర్చ్ఇంజిన్ను తీసుకొస్తున్నట్లు ప్రకటించింది. ఇది కృత్రిమ మేధ ఆధారిత సెర్చ్ఇంజిన్ అని, ప్రస్తుతం ప్రొటోటైప్ దశలో ఉందని తెలిపింది.
ఓపెన్ ఏఐ ఈ ప్రకటన చేసిన వెంటనే గూగుల్ మాతృ సంస్థ ఆల్ఫాబెట్ షేర్లు 3 శాతం మేరకు క్షీణించాయి. సెర్చ్ఇంజిన్లలో 91 శాతం వాటా గూగుల్దే. ఆ తర్వాత బింగ్ వంటివి ఉన్నాయి. వీటి మాదిరిగా కాకుండా సెర్చ్జీపీటీ యూజర్లకు అదనపు సమాచారాన్ని అందిస్తుందని ఓపెన్ ఏఐ చెప్పింది.
సుందర్ పిచాయ్కి ఐఐటీఖరగ్పూర్ గౌరవ డాక్టరేట్
న్యూఢిల్లీ: గూగుల్, ఆల్ఫాబెట్ సీఈఓ సుందర్ పిచాయ్కి తాను చదివిన ఐఐటీ-ఖరగ్పూర్ గౌరవ డాక్టరేట్ ప్రదానం చేసింది. శాన్ఫ్రాన్సిస్కోలో జరిగిన కార్యక్రమంలో ఆయనకు గౌరవ డాక్టర్ ఆఫ్ సైన్స్ను అందజేశారు. సుందర్ సతీమణి అంజలికి డిస్టింగ్విష్డ్ అలుమ్నస్ అవార్డును ప్రదానం చేశారు. ఐఐటీ-ఖరగ్పూర్ డైరెక్టర్ వీకే తివారీతోపాటు సుందర్ పిచాయ్ తల్లిదండ్రులు, కుమార్తె ఈ కార్యక్రమంలో పాల్గొన్నారు.