న్యూఢిల్లీ: ఢిల్లీలోని సుల్తాన్పురిలో స్కూటీపైన వెళ్తున్న యువతిని కారుతో ఢీకొట్టి 12 కిలోమీటర్లు అలాగే లాక్కెళ్లిన దారుణ ఘటనపై ఆమ్ ఆద్మీ పార్టీ సంచలన ఆరోపణలు చేసింది. ఈ ఘటనకు కారణమైన నిందితుల్లో ఒకడైన మనోజ్ మిట్టల్కు బీజేపీతో సంబంధాలు ఉన్నాయని, పోలీసులు అతడిని కాపాడేందుకు ప్రయత్నిస్తున్నారని ఆప్ నేతలు ఆరోపించారు. ఈ మొత్తం వ్యవహారంలో ఢిల్లీ లెఫ్టినంట్ గవర్నర్ వీకే సక్సేనా నిర్లక్ష్యంగా వ్యవహరిస్తున్నారని ఆరోపిస్తూ ఆయన ఇంటి ముందు ఆప్ నేతలు సోమవారం ధర్నాకు దిగారు. వెంటనే ఆయన రాజీనామా చేయాలని డిమాండ్ చేశారు.