Jairam Ramesh : ప్రధాని నరంద్రమోదీపై కాంగ్రెస్ పార్టీ జాతీయ కార్యదర్శి జైరామ్ రమేశ్ వ్యంగ్య వ్యాఖ్యలు చేశారు. తాను జీవాతీతుడను, దైవాంశసంభూతుడను అని చెప్పుకునే ప్రధాని నరేంద్ర మోదీ పర్యాటకుడిలా రష్యా రాజధాని మస్కోకు వెళ్తున్నారని, ప్రతిపక్ష నాయకుడు రాహుల్గాంధీ మణిపూర్లో అల్లర్ల బాధితులను పరామర్శించేందుకు వెళ్లారని జైరామ్ రమేశ్ వ్యాఖ్యానించారు. ఈ నెల 8, 9 తేదీల్లో ప్రధాని నరేంద్రమోదీ రష్యా పర్యటన నేపథ్యంలో ఈ వ్యాఖ్యలు చేశారు.
రాహుల్గాంధీ గడిచిన 17 నెలల కాలంలో మణిపూర్లో పర్యటించడం ఇది మూడోసారని జైరామ్ రమేశ్ చెప్పారు. కానీ ప్రధాని మోదీ మాత్రం మణిపూర్ అంశంపై ఇప్పటివరకు పెదవి విప్పలేదని విమర్శించారు. అల్లర్ల అంశంపై ప్రధాని మోదీ ఇంతవరకు మణిపూర్ సీఎంను కలువలేదని, అక్కడ రాజకీయ పార్టీలతో మాట్లాడలేదని మండిపడ్డారు. శాంతిభద్రతల పరిరక్షణలో మణిపూర్ సర్కారు పూర్తిగా విఫలమైందని ఆరోపించారు.