JP Nadda : దేశ రాజధాని ఢిల్లీ సహా ఉత్తరాదిలో వడగాడ్పులకు ప్రజలు తల్లడిల్లుతున్న పరిస్ధితుల్లో వైద్య ఆరోగ్య శాఖ అప్రమత్తమైందని కేంద్ర వైద్య శాఖ మంత్రి జేపీ నడ్డా తెలిపారు. వడదెబ్బకు గురవుతున్న కేసులు, మరణాలు పెరుగుతున్న క్రమంలో అన్ని ఆస్పత్రులకు కేంద్ర ప్రభుత్వం మార్గదర్శకాలు జారీ చేసిందని వెల్లడించారు.
వడదెబ్బకు గురైన వారికి అందించే చికిత్స, ప్రత్యేక ఏర్పాట్లను పర్యవేక్షించేందుకు సెంట్రల్ ఆస్పత్రులు, ఇతర ఆస్పత్రులను సందర్శించాలని తాను అధికారులను ఆదేశించానని మంత్రి తెలిపారు. వడగాడ్పుల తీవ్రత పెరిగిన క్రమంలో తాము రాష్ట్రాలకూ మార్గదర్శకాలు జారీ చేశామని తెలిపారు.
ప్రజలు ఎండ వేళ బయటకు రావద్దని, ద్రవాహారం అధికంగా తీసుకోవాలని మంత్రి విజ్ఞప్తి చేశారు. డీహైడ్రేషన్ బారినపడకుండా నీరు ఎక్కువగా తీసుకోవాలని కోరారు. తాను ఆరోగ్య మంత్రిత్వ శాఖ, నిర్మాణ్ భవన్లో ప్రతి విభాగం సందర్శించానని ఆయన తెలిపారు. వ్యాధులు చెప్పి రావనీ, ముందస్తు జాగ్రత్తలు తీసుకుంటూ పనులను పర్యవేక్షించాలని అధికారులకు సూచించానని వెల్లడించారు.
Read More :
Dwaraka Tirumala Rao | ఏపీ నూతన డీజీపీగా ద్వారకా తిరుమలరావు..