Nilesh Shah | న్యూఢిల్లీ, జూన్ 5: భారత్ వేగంగా చెందాలంటే యువత రోజుకు 12 గంటల పని విధానాన్ని అలవర్చుకోవాలని కొటక్ మహేంద్ర అసెట్ మేనేజ్మెంట్ కంపెనీ ఎండీ నీలేష్ షా వ్యాఖ్యానించారు. ఇది చైనా, కొరియా, జపాన్ లాంటి దేశాల్లో అతి సామాన్యమైన విషయమని అన్నారు. ఒక పాడ్కాస్ట్లో ఆయన మాట్లాడుతూ వారానికి 84 గంటల పనివిధానం దేశాన్ని అభివృద్ధి పథంలో నడిపిస్తుందని అన్నారు. మనం కూడా కొరియన్లు, చైనీయుల్లా పనిచేస్తే భారత్ అనూహ్య స్థితిలోకి వెళ్తుందనడంతో సందేహం లేదని, ఆఫ్రికన్ దేశాల్లా పేదరిక పరిస్థితులు ఎన్నడూ ఎదురుకావని అన్నారు.
మనందరం మధ్య తరగతి నుంచి ఉన్నతస్థాయికి ఉన్నతిని పొందుతామని తెలిపారు. నీలేశ్ చేసిన వ్యాఖ్యలు ఇప్పుడు సామాజిక మాధ్యమంలో చర్చకు దారితీశాయి. ఎక్కువ గంటలు పనిచేస్తే ఎక్కువ ఔట్పుట్ వస్తుందనుకోవడం తప్పు అని, ఇప్పటికే ఇస్తున్న వేతనాలకు మించి యువత పనిచేస్తున్నారని ఒక యూజర్ వ్యాఖ్యానించారు.