ముంబై : బాలీవుడ్ నటుడు సల్మాన్ఖాన్ హత్యకు కుట్ర పన్నిన గ్యాంగ్స్టర్ లారెన్స్ బిష్ణోయ్ ముఠాకు చెందిన నలుగురు సభ్యులను నవీ ముంబై పోలీసులు అరెస్టు చేశారు. ఇటీవల బాంద్రాలో సల్మాన్ఖాన్ ఇంటి వెలుపల కాల్పులు జరిగిన నేపథ్యంలో తాజా పరిణామం చోటుచేసుకుంది.అరెస్టయిన వారిని ధనంజయ్ టేప్సింగ్ అలియాస్ అజయ్ కశ్యప్, గౌరవ్ భాటియా అలియాస్ నహ్వి, వాస్పిఖాన్ అలియాస్ వసీం చిక్నా, రిజ్వాన్ఖాన్ అలియాస్ జావెద్ఖాన్గా గుర్తించినట్టు తెలిపారు.
ఈ నలుగురు బిష్ణోయ్ సోదరులతో ఉన్నారని, బిష్ణోయ్ సోదరుల ఆదేశానుసారం సల్మాన్ఖాన్పై దాడి చేసేందుకు ఆయన ఫామ్హౌస్తోపాటు మరికొన్ని ప్రాంతాల్లో రెక్కీ నిర్వహించారని పోలీసులు తెలిపారు.