చండీగఢ్, జూన్ 20: దేశంలోని పలు పంటలకు అతి స్వల్పంగా కనీస మద్దతు ధర పెంచి, కేంద్రంలోని బీజేపీ ప్రభుత్వం అ న్నదాతలను మరోసారి మోసగించిందని రైతు నేత జగ్జీత్ సింగ్ దల్లేవాల్ గురువారం ఆరో పించారు. కనీస మద్దతు ధరకు చట్టబద్ధత కల్పించాలని డిమాండ్ చేస్తున్నామని, అది ఇస్తే తమకు ఎంఎస్పీ దక్కుతుందని ఆయన అన్నారు. ఎరువులు, విత్తనాలు, డీజిల్ వంటి వాటికి తాము పెడుతున్న ఖర్చుతో పోలిస్తే పెంచిన కనీస మద్దతు ధర అతి స్వల్పమని ఆయన అన్నారు. ఇది దేశంలోని రైతులను మోసగించడమేనని, ఈ పెంచిన మొత్తం రైతులకు ఏ విధంగానూ ప్రయోజనం చేకూరదని ఆయన అన్నారు. గతంలో క్వింటాల్ పత్తి కనీస మద్దతు ధర 6,500 ఉండగా, రైతులు 4,000-4,500కు అమ్ముకున్న విషయాన్ని ఆయన గుర్తు చేస్తూ, అలాంటప్పుడు ఎంఎస్పీతో ఉపయోగం ఏమిటని ప్రశ్నించారు.